開記招喊爆　馬賽承認仲有艷照

【情趣馬賽克之引之為鑑】馬賽着情趣內衣跳艷舞的無打格圖片，前日在網上瘋傳，慘被睇晒三點的她即時報警，案件交灣仔重案組跟進。昨日馬賽着白色恤衫返無綫照肺，她受訪時情緒崩潰爆喊，更驚爆應該仲有未曝光的艷照，哭訴由去年至今每日都很難捱：「我覺得擔心都係冇用，我唔可以被打倒，幾難跨都要跨過呢個關口。」

現年26歲的馬賽去年介入汪子琦與內地富婆Laura的戀情，橫刀奪走TB汪子琦，可惜斷背戀見光死！前日馬賽被爆着情趣內衣跳艷舞的短片，無打格圖片更火速在網上瘋傳，馬賽對鏡頭自摸、趷籮、扭腰風情無限，哄動全城。馬賽即晚發聲明，強調自己沒擁有影片和截圖，矛頭直指遭舊愛出賣：「我很肯定愛錯人！」並已報警處理。

[img]http://static.apple.nextmedia.com/images/apple-photos/apple/20140725/large/25ec1p5.jpg[/img]
【人前灑淚】■馬賽接受訪問時淚如泉湧，表現得楚楚可憐。

否認自拍艷舞片
艷舞片曝光，馬賽即被無綫暫停所有工作，昨日返無綫被樂易玲照肺，下午約4時，馬賽一身白色「純純兔」look現身，化淡妝仍難掩雙眼微腫，明顯哭過。馬賽見完樂小姐後，由宣傳科副總監曾醒明拖手見傳媒，問見完樂小姐有甚麼結果？馬賽甫開腔即哽咽：「我係一個成年人，要為自己做嘅嘢負責任，公司暫停我所有工作安排，我係好接受，確實需要靜吓休息吓。」
馬賽透露艷舞片是去年拍攝的，但否認自拍，問拍片者是否舊愛？她說：「佢當然係我曾經非常之親密嘅一個人，曾經好盲目信任一個人，希望呢件事令所有女仔識保護自己，其實有好多可以引以為鑑嘅例子，但永遠當你好投入一段感情好愛一個人，覺得呢啲事情永遠唔會發生自己身上，覺得佢會保護你，但我𠵱家知道只有自己可以保護自己。」

[img]http://static.apple.nextmedia.com/images/apple-photos/apple/20140725/large/25ec1p1.jpg[/img]
【純純兔look】
■曾醒明拖着馬賽現身，全程傍實，似乎無綫未有放棄她。

[img]http://static.apple.nextmedia.com/images/apple-photos/apple/20140725/large/25ec1p2.jpg[/img]
【擠出笑容】
■被無綫停工前途未卜的馬賽，昨日強顏歡笑接受傳媒訪問。

[img]http://static.apple.nextmedia.com/images/apple-photos/apple/20140725/large/1406214882_5ed3.jpg[/img]
【唔講舊愛】
■馬賽在曾醒明陪同下接受訪問，拒絕回應舊愛汪子琦的指控。

[img]http://static.apple.nextmedia.com/images/apple-photos/apple/20140725/large/1406214880_934d.jpg[/img]
【崩潰喪喊】
■馬賽驚爆有未曝光的艷照，知道家人比自己更難受，情緒崩潰痛哭。

患抑鬱恐懼人群
問有否其他未曝光的影片和相？馬賽初時支吾說：「其實我真係唔知，但無論再有乜情況，自己一定堅強面對。」再追問有冇影過？她才驚爆：「應該仲有，我知乜嘢人有，自己係冇呢啲。」未曝光的片最激是甚麼？擔唔擔心再流出？她說：「我唔知人哋拍過乜，其實舊年年尾到𠵱家，每日都過得唔容易，中間患過抑鬱症，有睇精神科醫生有食藥，有人群恐懼症，我覺得擔心都係冇用，冇嘢需要去驚，我唔可以被打倒，幾難跨都要跨過呢個關口。」點解會患抑鬱？馬賽說：「你同一個好親密嘅人有親密行為，你相信佢一定會保護你，唔會由嗰時開始擔心，而係嗰段時間好多報道令我分唔清楚，自己係咪理解能力有問題或有病，好驚見到人又食唔落飯。」對於艷舞片中目光好迷，馬賽強調沒食藥只微醉。

[img]http://static.apple.nextmedia.com/images/apple-photos/apple/20140725/large/25ec1p8.jpg[/img]
■馬賽昨午約4時駕車返無綫，會見樂易玲交代艷舞片事件。

[img]http://static.apple.nextmedia.com/images/apple-photos/apple/20140725/large/25ec1p9.jpg[/img]
■樂易玲比馬賽早15分鐘返公司，笑容滿面。


為家人堅強面對
馬賽指與汪子琦及Laura自去年年尾已沒聯絡，對於她們否認放片？有否講大話？馬賽只說：「我知道條片係邊個拍，亦知道邊個有呢條片，點樣放出嚟或者乜嘢途徑放出嚟，呢樣留畀警方查證。」汪子琦指曾收到好多馬賽類似的短片，她說：「佢講嘅嘢我唔回應。」發片者想摧毀你事業？馬賽即爆喊說：「人哋想做乜我唔知，作為爹哋媽咪嘅女，我都要好堅強企出嚟畀屋企人交代，佢哋更加難受。爸爸話：『女，唔使驚，天塌下嚟都幫你撐住！』」

[img]http://static.apple.nextmedia.com/images/apple-photos/apple/20140725/large/24ec1p16.jpg[/img]
■馬賽澄清拍艷舞片時只是微醉，並無食藥。


有否考慮退出娛樂圈？她說：「冇諗過以後仲可唔可以做呢份我喜愛職業，但作為一個女仔，我要為自己講幾句說話，同埋要保護番自己。」事件會否影響性取向？她說：「喺愛情入面冇分男女，我曾經為愛情不顧一切。」後悔拍這些片？她說：「呢個世界冇得後悔，做過嘅要承擔，我好肯定我愛錯咗人。」馬賽現藉宗教平靜心靈，信佛的她前日不斷聽佛經和佛音。馬賽還接受《東張西望》訪問，眼紅紅說：「愛一個人時盡量滿足佢要求，自己唔想睇到片好尷尬，重案組話已經減少好多相同片。」而據警察公共關係科表示，一名27歲男子本月23日到灣仔警署報案，指一名26歲女子發現其照片及影片被發佈在互聯網上，警方暫列為不誠實使用電腦案處理，交由灣仔警署重案組跟進。據知昨日警方到馬賽屋企落口供，馬賽指影片是在上海拍，一名汪小姐在場揸機拍攝。
採訪、攝影：梁繼光

【法律意見】不能用版權條例阻散播
馬賽艷舞片流出後，網民紛紛求片。馬賽前晚發聲明表示已報警處理，究竟能否阻止網民繼續散播影片？本報昨致電梁永鏗律師了解，他認為這次跟08年陳冠希的淫照風暴類似，他說：「陳冠希當年用《版權條例》，因為段片係佢自己製作。但呢次係咪馬賽製作就唔知，未必可以用《版權條例》。但都可以用《私隱條例》要求別人停止散播。」他表示按最新修定的《私隱條例》，違法者可能負上刑責，但傳媒則可獲豁免，因為要從新聞自由和市民知情權中權衡。
至於當年淫照風暴，朋友間互常傳閱仍是合法，故警方未能捉拿「奇拿」。但在馬賽事件上，梁律師認為朋友傳閱都可能觸犯《私隱條例》：「因為一張都叫做發放，都有機會觸犯，但程度會唔會涉及刑事，就要視乎法官點睇。」


來源:[url]http://hk.apple.nextmedia.com/entertainment/art/20140725/18811028[/url]